Մյունխենի «Բավարիայի» կիսապաշտպան Ֆրանկ Ռիբերին, ըստ բուքմեյքերների, դարձել է ՖԻՖԱ-ի տարվա լավագույն ֆուտբոլիստին տրվող «Ոսկե գնդակի» թիվ մեկ հավակնորդ: Այս մասին հաղորդում է Marca-ն:
Բուքմեյքերական գրասենյակները Ռիբերիի համար խաղադրույքներն ընդունում են 1,90 գործակցով: «Բարսելոնայի» արգենտինացի հարձակվող Լիոնել Մեսսիի համար սահմանվել է 2,50 գործակիցը, իսկ «Ռեալի» հարձակվող Կրիշտիանո Ռոնալդուի համար` 7,00 գործակիցը:
Երեք առաջատարներին հետևում են ՊՍԺ-ի հարձակվող Զլատան Իբրահիմովիչը, կատալոնական ակումբի բրազիլացի հարձակվող Նեյմարը, մյունխենցիների մեկ այլ առաջատար Արյեն Ռոբենը:
