Մինչև այս պահը ՖԻՖԱ-ի կողմից վերցված բոլոր 800 դոպինգ թեստերը տվել են բացասական պատասխան, ինչը նշանակում է, որ ֆուտբոլիստները խթանիչներ չեն օգտագործում: Այս մասին ասվում է ՖԻՖԱ-ի պաշտոնական կաքում:
ՖԻՖԱ-ն առաջին անգամ է կիրառում հակադոպիգային այս ծրագիրը: Մինչև առաջնության մեկնարկը բոլոր 800 ֆուտբոլիստներից վերցվել են արյան, մեզի անալիզներ, որոնց հետազոտությունը ցույց է տվել դրանցում խթանիչների բացակայություն: Համաշխարհային հակադոպինգային գործակալության գլխավոր տնօրեն Դևիդ Հումենը գովել է ՖԻՖԱ-ին այս նախաձեռնության համար` նշելով, որ առաջին անգամ է, երբ նման խոշոր մրցաշարից առաջ բոլոր մասնակիցները ենթարկվում են ստուգման:
