ՀՀ ֆինանսների նախարարությունը նոր կայք է գործարկել, որն առավել մատչելի ու հարմար է նախորդի համեմատ: Միևնույն ժամանակ նոր կայքով փորձ է արվում տեղեկատվությունը դարձնել առավել ամբողջական և հասանելի:
Կայքը համալրվել է էլեկտրոնային կառավարման գործիքներով: Քաղաքացիները, կազմակերպությունները և պետական մարմինները հնարավորություն ունեն առցանց հետևել պետական բյուջեի ամենօրյա ծախսերին, էլեկտրոնային եղանակով հերթագրվել ընդունելության, գրել էլեկտրոնային նամակ, մամուլի կենտրոնի միջոցով ուղարկել տեղեկատվության հարցումները, բաժանորդագրվել կայքում հրապարակվող նորություններին և հայտարարություններին:
