Ցելյուլիտի դեմ պայքարը համալիր միջոցառում է: Ցելյուլիտը միայն մաշկի գեղագիտական անհարթություն չէ:
Այսօր կանայք բազում միջոցներ ու բավականին ժամանակ են ծախսում մերսման ու հակացելյուլիտային կոսմետիկայի վրա, սակայն, արդյունքն այնքան էլ հուսադրող չէ:
Անհարթությունների առաջացմանը նպաստում են որոշ մթերքներ, սխալ սնունդը, կոնսերվանտներն ու համային խթանիչները: Որքան խարամները օրգանիզմում շատ են, այնքան վատ է աշխատում լյարդը: Դրա համար պետք է օրական սննդաբաժնից բացառել հետևյալ մթերքները.
1.Կիսաֆաբրիկատներ ու կիսապատրաստվածքներ պարունակող մթերքները,
2.Երշիկեղենը, ապխտած մթերքը, այդ թվում` ապխտած ձուկը,
3.Աղի մթերքները, պահածոներն ու անգամ տնական մարինադները,
4.Յուղալի ու սպիտակ ալյուր պարունակող բոլոր մթերքները,
5.Շաքարը, շոկոլադն ու համային խթանիչներով մթերքները,
6.Խոզի միսը,
7.Սուրճն ու թունդ թեյը:
Այդ մթերքների մեծ մասը ոչ միայն կալորիական է, այլև պարունակում են նյութափոխանակությունն ու ճարպերի քայքայումը դանդաղեցնող նյութեր, նպաստում այտուցների առաջացմանը:
Հակացելյուլիտային սննդակարգի առանձնահատկությունները
Կան մթերքներ, որոնք մաշկի տակ կոշտ գոյացությունների առաջացման պատճառ են դառնում, դրանով իսկ խոչընդոտելով հակացելյուլիտային միջոցառումներին, բայց կան մթերքներ էլ, որոնք նպաստում են ճարպային նստվածքների քայքայմանը:
Ինչից պետք է սկսել.բացի վնասակար մթերքի բացառումից, պետք է մի քանի կանոնի հետևել.
1.Հարկավոր է մեծ քանակությամբ հեղուկ օգտագործել (խոսքը մաքուր, ոչ գազավորված ջրի մասին է): Մեկ գ ճարպի քայքայման համար 9գ ջուր է պահանջվում:
2. հարկ է նվազեցնել այն մթերքների քանակը, որոնք կալիումի պարունակությամբ են աչքի ընկնում.կալիումը քաշում է ջուրն ու խոչընդոտում հյուսվածքներից ջրի դուրսբերմանը:
3. Հարկ է ավելացնել լեղամուղ մթերքների քանակը, ինչը կբարելավի լյարդի աշխատանքը, հետևաբար և` ցելյուլիտի դեմ պայքարն էլ ավելի արդյունավետ կդառնա:
Ինչով կարելի է փոխարինել ցելյուլիտ առաջացնող մթերքները
Ոչ մի դեպքում այդ նպատակի համար չի կարելի օրգանիզմ մտնող կալորիաների քանակը պակասեցնել, հատկապես եթե դրան զուգահեռ ինտենսիվ ֆիզիկական մարզումներով եք զբաղվում:
Խորհուրդ է տրվում օգտագործել կաթնաշոռ, ձուկ ու մրգեր, սակայն նվազ քանակությամբ. լրիվ բացառել պետք չէ: Օրգանիզմը մաքրող ու ճարպերը քայքայող մթերքներից են.
1.Նարինջն ու թուրինջը (գերադասելի է պտուղը, ոչ թե պտղահյութը)
2.Սև բողկը (աղցանը և հյութը)Ցելյուլիտի առաջացմանը նպաստող մթերքներ
3.Եղերդակը (ցիկորի)` սուրճի փոխարեն, որպես ըմպելիք
4. Մասուրի ու կծոխուրի եփուկը (բարբարիս)
5. Խատուտիկից պատրաստված աղցանը
6.Նանայի ու ծիծեռնախոտի (չիստոտել) թեյը:
Հարկ է հիշել, որ հատուկ սնունդը համալիր մոտեցմանն օժանդակող միջոց է: Սննդակարգերն օգնում են օրգանիզմին բոլոր ուժերն ուղղորդելու ճարպային գոյացությունների դեմ պայքարելուն: Դա ավելի արագ ու տեսանելի արդյունք է երաշխավորում:
Բժիշկ՝ Ա. Վարդանյան
