Կարճատեսություն է կոչվում աչքերի այն հիվանդությունը, որը բնորոշվում է հեռադիր իրերը հստակ տեսնելու հնարավորության կորստով:Կարճատեսության դեպքում պատկերները պրոյեկտվում , կիզակետվում են ոչ թե աչքի ցանցաթաղանթի կոնկրետ հատվածի վրա, այլ դրա առջև: Կարճատեսությունն արատահայտվում է աչքի խնձորակի խիստ մեծացմամբ:
Կարճատեսության առաջացման պատճառներից են.
-գենետիկ նախատրամադրվածությունը
-սխալ սնվելը
-աչքերի գերլարումը
— տեսողության ոչ ճիշտ կորեկցիան, շտկումը կամ էլ դրա բացակայությունը
-աչքի թույլ մկանները:
Հիվանդության աստիճաները
Կախված հիվանդության զարգացման պատճառներից ու ախտորոշման ժամանակից, հիվանդության մի քանի աստիճան են տարբերակում.
-թույլ (նորմից` 1-3 դիօպտր աննշան շեղում)
-միջին (4-6 դիօպտր)
-ուժեղ( ավելի քան 6 դիօպտր):
Վերին սահմանը որոշելը շատ բարդ է. երբեմն պատահում է կարճատեսություն մինչև անգամ 20-30 դիօպտրի սահմաններում:
Ախտորոշումը
Ճշգրիտ ախտորոշման համար պահանջվում է հետևյալ հետազոտությունները կատարել.
-տեսողության սրության, աչքի բեկունակության ու կարճատեսության աստիճանի որոշում, աչքի երկարության չափումներ, ներակնային ճնշման ստուգում, օֆտալմոսկոպիա (ակնադիտակային ստուգում) ու տեսադաշտի որոշում:
Բուժումը
Կարճատեսության արդյունավետ բուժման ցուցիչ է համարվում այսպես կ կոչված` ճառագայթի բեկման կանոնավորումն այնտեղ, որտեղ պետք է դրանք ճիշտ հատվեն առողջ տեսողության դեպքում:
Բուժական թերապիան ենթադրում է տեսողության շտկում: Սակայն պետք չէ մոռանալ, որ տվյալ մեթոդները հիվանդությունն իսպառ չեն բուժում կամ վերացնում, այլ պարզապես ավելի հարմարավետ ապրելու հնարավորություն են ընձեռում:
Իսկ ինչ վերաբերում է կոնկրետ բուժմանը, ապա հարկ է նշել, որ այսօր ավելի քան 20 մեթոդ է մշակված, որոնցից յուրաքանչյուրն էլ արդյունավետ է աշխատում միայն գրագետ ու ճիշտ ժամանակին ախտորոշման դեպքում:
Հաճախ ակնաբույժները հետևյալ մեթոդներն են գործի դնում.
-լազերային շտկում
—ռադիալ կերատոտոմիա (վիրաբուժական միջամտություն)
-ոսպնյակների իմպլանտացիա
-բյուրեղիկի ամբողջությամբ փոխարինում
-կերատոպլաստիկա:
Բժիշկ՝ Ա. Վարդանյան
