Իսպանիայում կինը ենթարկվել է վիրահատության, որի արդյունքում վիրաբույժները հեռացրել են 25 կգ-անոց 41սմ երկարությամբ ուռուցք։ Այս մասին հաղորդում է NST-ն։
Կինը բժիշկներին այցելության էր եկել վերջերս՝ բողոքելով փորացավերից և քաշի ավելացումից։ Վիրահատության արդյունքում հեռացրել են կանացի օրգանները, ինչպես նաև հսկայական ուռուցք։ Բժիշկների տվյալներով՝ կնոջ առողջությանը վտանգ չի սպառնում։ Նրանք նշում են, որ աշխարհում եղել է միայն 5 դեպք, երբ ուռուցքը գերազանցել է 11 կգ-ն։
