Ամերիկացի երգչուհի Բեյոնսեի քույրը՝ Սոլանժ Նոուլզը, Նյու Յորքի Standard հյուրանոցի վերելակում հարձակվել է Բեյոնսեի ամուսնու՝ ռեփեր Jay-Z-ի վրա։Այս մասին հաղորդում է TMZ-ը՝ համացանցում հրապարակելով այդ «մենամարտի» տեսանյութը։
Նշվում է, որ միջադեպը տեղի է ունեցել այն ժամանակ, երբ Բեյոնսեն, Սոլանժը և Jay-Z-ը մտել են վերելակ, ինչից հետո Սոլանժը սկսել է բղավել և հարվածել երգչին։ Այդ պահին թիկնապահը կանգնեցրել է վերելակը, որպեսզի միջադեպին ականատես չլինեն պատահական մարդիկ, մինչև վեճի հարթվելը։
Առայժմ հայտնի չէ, թե որն է նման պահվածքի պատճառը։
