Այսօր Ադրբեջանի մայրաքաղաք Բաքվում տեղի է ունեցել բողոքի ակցիա: Ռուսաստանի դեսպանատան մոտ հավաքվածները բողոքել են իրենց հայրենակից Օրհան Զեյնալովի հետ ՌԴ իրավապահների գործողությունների դեմ: Հիշեցնենք, որ Զեյնալովին մեղադրում են Մոսկվայի Բիրյուլևո շրջանում 25-ամյա երիտասարդի սպանության մեջ, ինչը դարձել էր բողոքի ակցիաների պատճառ:
Ինչպես հաղորդում է Interfax գործակալությունը, բողոքողներից մեկը կոշիկ է նետել դեսպանատան ուղղությամբ: Մինչև ակցիայի մեկնարկը դեսպանատանն անվտանգության աննախադեպ միջոցառումներ էին իրականացվել:
Տարածված հաղորդագրության մեջ բողոքողները պահանջել են հարգել ձերբակալված Օրհան Զեյնալովի իրավունքները: Հիշեցնենք, որ Ռուսաստանի ադրբեջանական համայնքն ակտիվ աջակցում է ձերբակալված Զեյնալովին:
