Բարբարա Բեռլուսկոնին հայտարարել է, որ Չեմպիոնների լիգայի խմբային փուլի «Բարսելոնի» հետ կայացած խաղից առաջ իր հայրը տակտիկայի հետ կապված որոշ խորհուրդներ է տվել «Միլանի» գլխավոր մարզիչ Մասսիմիլիանո Ալլեգրիին: Այս մասին տեղեկացնում է «Football Italia»-ն:
Հիշեցնենք, որ այդ մրցավեճն ավարտվել էր 1:1 հաշվով, իսկ «Միլանը» կիրառել էր 4-3-3 տակտիկա` հանդես գալով առանց վառ ընդգծված հարձակվողի:
«Իմ հայրը` Սիլվիո Բեռլուսկոնին, գոհ է, քանի որ տակտիկայի հետ կապված իր խորհուրդները, որոնք «Բարսելոնի» հետ խաղից առաջ նա տվել է Ալլեգրիին, իրականացվել են: «Միլանը» հիանալի հանդես եկավ` խաղալով սրտով և ցույց տալով բնավորություն: Հիմա պետք է լավ տրամադրվել հաջորդ հանդիպումներին: Հատկապես դժվար կլինի Գլազգոյում»,- նշել է Բարբարան:
Աղբյուր` Panorama.am
