Քիչ առաջ «Բարսելոնայի» պաշտոնական կայքում հրապարակվել է հաղորդագրություն այն մասին, որ արգենտինացի հարձակվող Լիոնել Մեսսիի հետ համաձայնություն է ձեռք բերվել նոր պայմանագրի վերաբերյալ: Նոր պայմանագիրը կստորագրվի առաջիկա օրերին: Այլ մանրամասներ չեն հաղորդվում:
Թեպետ Լիոնել Մեսսիի պայմանագիրը դեռ ուժի մեջ է, կողմերը որոշում էին կայացրել երկարաձգել այն հինգ տարով: Դրա դիմաց Մեսսին պահանջում էր 20 մլն եվրո աշխատավարձ, այդ թվում` գովազդային եկամուտներից ստացված բոնուսներ:
Այսպիսով, Լիոնել Մեսսին, ով այս տարի աշխարհի ուժեղագույն ֆուտբոլիստի տիտղոսը զիջել էր Կրիշտիանո Ռոնալդուին, կարող է դառնալ աշխարհի ամենաշատ վարձատրվող ֆուտբոլիստը:
