«Բարսելոնայի» ղեկավարությունը մտադիր է լուրջ կադրային փոփոխություններ իրականացնել կատալոնական ակումբում: Այս մասին հայտնի է դարձել Sport.es-ին:
«Բարսելոնան» ամռանը հրաժեշտ կտա գլխավոր մարզիչ Խերարդո Մարտինոյին: Բացի այդ, ՖԻՖԱ-ի հետ տրանսֆերային խնդիրները կարգավորելուց հետո, ակումբը կգնի 6-7 նոր խաղացողների, որոնցից երկուսը կլինեն դարպասապահ, մեկը` հարձակվողական ոճի կիսապաշտպան, մյուսը` հարձակվող:
Բացի այդ, այս ընթացքում Լիոնել Մեսսի հետ կստորագրվի նոր պայմանագիր:
Հիշեցնենք, որ ՖԻՖԱ-ն արգելել է «Բարսելոնային» մեկ տարվա ընթացքում կատարել տրանսֆերներ, քանի որ ակումբը 2009-2013 թվականներին խախտել է մի շարք օրենքներ մինչև 18 տարեկան ֆուտբոլիստների հետ պայմանագրեր ստորագրելիս:
