Կատալոնական Mundo Deportivo պարբերականն այսօր իր առաջին էջում շատ հետաքրքիր տեղեկություն է տարածել:
Աղբյուրի տվյալներով՝ «Բարսելոնայում» ներքին բանավեճ է սկսվել: Հայտնում է vnews.am-ը:
Ակումբում մի մասը ցանկանում է հաջորդ ամառային տրանսֆերային պատուհանին կրկին փորձել ձեռք բերել Նեյմարին, իսկ ահա մյուս մասն առաջարկում է ամեն ինչ անել Կիլիան Մբապեին գնելու համար:
Կատալոնական ակումբում կարծում են, որ Մբապեին գնելը շատ ավելի նախընտրելի է, քանի որ ֆրանսիացին 7 տարի ավելի երիտասարդ է բրազիլացուց, ավելի քիչ է վնասվածքներ ստանում, ավելի մոտ է կենտրոնական հարձակվողի դիրքին, և բացի դա, նրա ժամանումը ներքին կոնֆլիկտներ չի ստեղծի ակումբի ներսում:
Նշվում է նաև, որ այդ հավանական տրանսֆերն իրականացնելը հեշտ չի լինելու: ՊՍԺ-ն մտադիր չէ բաժանվել իր աստղից, իսկ Մբապեի տրանսֆերի համար պայքարում «Բարսելոնայի» մրցակիցը լինելու է «Ռեալը»:
