Մյունխենի «Բավարիայի» ղեկավարությունը որոշում է կայացրել օգնել իր երկրպգուներին՝ ՈւԵՖԱ-ի Չեմպիոնների լիգայի 1/8 եզրափակչի Լոնդոնում կյանալիք «Արսենալ» — «Բավարիա» խաղի տոմսերը գնելու հարցում: Այս մասին գրում է The Guardian-ը:
Մյունխենյան ակումբը պատրաստվում է վճարել Լոնդոն մեկնող իր երկրպագուների տոմսերի գնի 2/3ը, ինչը նշանակում է, որ երկրպագուն 95 ֆունտի փոխարեն վճարելու է 37 ֆունտ ստերլինգ: «Բավարիայում» այս որոշումը բացատրում են անցած տարի իրենց հաջողություններում երկրպագուների ունեցած ներդրումը փոխհատուցելու անհրաժեշտությամբ:
Սպասվում է, որ մոտ 18 հազար գերմանացի երկրպագու կաջակցի իր սիրելի թիմին «Էմիրեյթս» մարզադաշտում:
