Միավորված ազգերի կազմակերպության գլխավոր քարտուղար Բան Կի Մունը հայտարարել է, որ սիրիական քիմիական զենքի ոչնչացումն իրականացվում է նախատեսված ծրագրով, սակայն մինչև 2014 թվականի կեսը դրա ամբողջական ոչնչացումը կպահանջի համաշխարհային հանրության աննախադեպ ջանքեր, քանի որ Սիրիայում այս պահին անկայուն իրավիճակ է և քաղաքացիական պատերազմ է ընթանում։ Այս մասին հաղորդում է Associated Press գործակալությունը։
Անվտանգության խորհրդին ուղղված նամակում գլխավոր քարտուղարը լուրջ մտահոգություն է հայտնել Սիրիայում քիմիական զենքի առգրավմանն ընդգրկված ՄԱԿ-ի անձնակազմի և դիտորդների անվտանգության հարցով։
