Բահրեյնի ԱԳՆ-ը պերսոնա նոն գրատա է հայտարարել ԱՄՆ-ի պետքարտուղարի օգնական Թոմա Մալինովսկուն: Որոշումն ընդունվել է այն բանից հետո, երբ ամերիկացի պաշտոնյան հանդիպել է երկրի շիական կազմակերպության հետ: Այս մասին հաղորդել է Associated Press գործակալությունը:
Ժողովրդավարության, մարդու իրավունքների և աշխանքային հարաբերությունների գործերով ԱՄՆ-ի պետքարտուղարի օգնականը երեկ հանդիպել է «Ալ Վիֆաք» շիական ընդդիմադիր խմբավորման ներկայացուցիչների հետ: Բահրեյնի արտաքին գործերի նախարարությունն այդ քայլը համարել է իր պետության ներքին գործերին միջամտություն:
«Ալ Վիֆաքը» (Ազգային համաձայնության իսլամական կազմակերպություն) համարվում է Բահրեյնի ընդդիմադիր քաղաքական ուժերի գլխավորր մարմինը:
