Վրաստանի էկոնոմիկայի և կայուն զարգացման նախարարությունը հերքել է հայկական լրատվամիջոցների տարածած տեղեկությունը՝ Բաթումի նավահանգստի հնարավոր վաճառքի վերաբերյալ: Այս մասին տեղեկացնում է apsny.ge կայքը:
«Հայկական լրատվամիջոցների տարածած տեղեկությունը չի համապատասխանում իրականությանը: Բաթումի նավահանգիստը 49 տարի ժամկետով կառավարման իրավունքով վարձակալման է փոխանցվել «Բաթումի նավթային տերմինալ» ընկերությանը»,- ասված է նախարարության հայտարարության մեջ:
Հայկական մամուլում տեղեկություններ էին տարածվել, որ Հայաստանը հետաքրքրված է Բաթումի նավահանգիստը գնելու հարցով, որը Վրաստանի իշխանությունները վաճառքի են հանել 600 միլիոն դոլարով:
