Աֆղանստանի հարավ-արևելքում գտնվող Պակտիկա շրջանում պայթյունից 7 երեխա է մահացել: Այդ մասին հայտում է Agence France-Presse գործակալությունը՝ վկայակոչելով նահանգի վարչական ներկայացուցչի հայտարարությունը:
Հաղորդվում է, որ պայթուցիկ սարքը տեղադրված է եղել ճանապարհի եզրին և պայթել է, երբ երեխաներից մեկը կանգնել է դրա վրա:
Զոհված երեխաները եղել են 7-ից 12 տարեկան, սովորել են նույն դպրոցում:
Պայթյունի հետևանքով կան նաև վիրավորներ, որոնց թիվը չի նշվում:
