Աֆղանստանի նախագահ Համիդ Քարզայը ՆԱՏՕ-ի գոծողությունները որակել է որպես անօգուտ և մեղարել է ԱՄՆ և Հյուսիսատլանտյան դաշինքի ղեկավարությանը՝ իր երկրի նկատմամբ անհարգալից վերաբերմունքի մեջ։ Այս մասին գրում է բրիտանական The Guardian-ը։
«Միացյալ Նահանգները և ՆԱՏՕ-ն չեն հարգում մեր ինքնիշխանությունը։ Նրանք խախտում են դա և կազմակերպում հարձակումներ, ստուգայցեր մեր ժողովրդի դեմ՝ ահաբեկչության դեմ պայքարի և ՄԱԿ-ի բանաձևերի կատարման անվան տակ։ Սա հակասում է մեր ցանկություններին»,- ասել է Քարզայը։ Աֆղանստանի նախագահն ասել է, որ ԱՄՆ-ի հետ անվտանգության պայմանագրի ստորագրումը հետաձգվում է, քանի դեռ չեն լուծվել ինքնիշխանության վերաբերյալ հակասությունները։ Քարզայի խոսքերով՝ ՆԱՏՕ-ի իշխանությունները սխալ են գործել, երբ որոշել են թալիբների դեմ պայքարել Աֆղանստանի հեռավոր նահանգներում, այլ ոչ թե Պակիստանում։
