ԱՄՆ Մասաչուսեթս նահանգում գործող Moderna Therapeutics ընկերությունը 42 օրում COVID 19 կորանվիրուսի պատվաստանյութ է ստեղծել և ուղարկել փորձարկման:
Time- պարբերականի հաղորդած տեղեկության համաձայն՝ առաջին նմուշներն ուղարկվել են ԱՄՆ Ալերգիայի ու վարակիչ հիվանդությունների ազգային ինստիտուտ:
Հաղորդվում է, որ պատվաստանյութի փորձարկումները մարդկանց վրա կարող են սկսվել ապրիլին:
Հավելենք, որ Moderna Therapeutics ընկերության համահիմնադիրը և գլխավոր տնօրենը հայազգի գործարար Նուբար Աֆեյանն է:
Հայազգի ապագա գործարարն ու միլիարդերը՝ 24 տարեկանում ավարտելով Մասաչուսեթսի տեխնոլոգիական ինստիտուտը, որոշեց բացել իր առաջին ընկերությունը, որին հաջորդեց կենսալաբորատորիական PerSeptive Biosystems ընկերությունը:
Իսկ տարիների ընթացքում Աֆեյանին հաջողվեց հիմնել ևս 5 ընկերություն:
Նշենք, որ Աֆեյան գործարարի և հմուտ մասնգետի մասին մի անգամ չէ որ անդրադարձել միջազգային մամուլը. այդ թվում և հայտնի Forbes-ը:
