Ինչպես հաղորդում են բրիտանական լրատվամիջոցները, արքայազն Ուիլյամը ցուցադրել է խնայողության լավ օրինակ և նոր, թանկարժեք խաղալիքներ չի գնել որդու` արքայազն Գեորգի համար: Ամանորի կապակցությամբ Ուիլյամն իր խաղալիքներն է նվիրել 6 ամսական որդուն:
Երիտասարդ հայրը պատմել է, որ որդուն նվիրել է փայտե ձի, զինվորների արձանիկներ և այլն:
The Sun-ը գրում է, որ Վինձորներն աչքի են ընկնում խնայողականությամբ: Այսպես, որոշ լրատվամիջոցներ գրում են, որ Ուիլյամի պապը` Էդինբուրգի դուքս Ֆիլիպը 40 տարի շարունակ կրում է նույն բաճկոնը, իսկ Եղիսաբեթ 2-րդը քնում է կարկատած սավանների վրա:
