Հայաստանի արտահանման կառուցվածքում գյուղատնտեսական ծագման արտադրանքների տեսակարար կշիռը այս տարի ավելացել է: Այս մասին այսօր հայտարարեց գյուղատնտեսության նախարար Սերգո Կարապետյանը՝ տարեվերջյան ամփոփիչ ասուլիսի ժամանակ: Նրա խոսքով, 2013-ին Հայաստանից արտահանվել է շուրջ 63 հազար տոննա պտուղբանջարեղեն, խաղող և կարտոֆիլ, որը գերազանցել է նախորդ տարվա մակարդակը 2 անգամ:
Հայաստանում պտուղբանջարեղեն վերամշակող ընկերությունների կողմից մթերվել է 56.8 հազ. տոննա պտուղբանջարեղեն, այդ թվում՝ 13 հազար տոննա ծիրան, որի ծավալները գերազանցել են նախորդ տարվա մակարդակը 47.5%-ով:
