ՀՀ զինված ուժերի գլխավոր շտաբի պետ Արտակ Դավթյանն աշխատանքից ազատվելու դիմում է ներկայացրել։
Araratnews.am-ի տեղեկություններով հնարավոր պատճառը եղել է նրա որդու հարսանիքը, որն անցկացվել է արտակարգ դրության պայմաններում։
Ինչպես հայտնել ենք երեկ տեղի էր ունեցել Դավթյանի որդու հարսանիքը, ինչ էլ բուռն քննարկումների թեմա դառձավ սոցցանցի տաբեր հարթակներում։
ԶԼՄ–ները գրել էին, որ չնայած պարետի որոշմամբ սահմանված արգելքին` հարսանիքը բազմամարդ է եղել։
Դավթյանն այսօր արձագանքել էր այդ հրապարակումներին և նշել, որ բոլորն ունեն անձնական կյանքի իրավունք:
«Հորդորում եմ որոշ մարդկանց, լրատվամիջոցների չմտնել իմ և իմ ընտանիքի անձնական տարածք և փորձ չանել ինձ ներառել քաղաքական խաղերի մեջ»,- իր պարզաբանման մեջ նշել էր Դավթյանը:
Հիշեցնենք` նա ՀՀ ԶՈՒ գլխավոր շտաբի պետ էր նշանակվել 2018 թվականի մայիսի 24-ին:
