Լոռվա մարզի Արևաշող գյուղում շաբաթ օրը երեկոյան արձանագրվել է արտակարգ պատահար: Հոսանքի տատնման պատճառով տուժել են գյուղի շատ տներ, շարքից դուրս են եկել սառնարաններ, հեռուստաընդունիչներ, հեռուստացույցներ և հեռախոսներ: Այս մասին մեզ հայտնեցին հեռախոսով Արևաշողից զանգահարած գյուղացիներից մեկը: AraratNews.am-ը կապ հաստատեց «Հայաստանի էլեկտրական ցանցեր» ՓԲԸ (ՀԷՑ) թեժ գծի հետ, որպեսզի պարզաբանում ստանա թե ո՞վ է փոխհատուցելու գյուղացիների վնասները: Վերջիններս հայտնեցին, որ Էլեկտրական սարքերը ստուգման են ենթարկվում, և եթե պարզվի, որ էլեկտրական սարքերին իրենց մեղքով է փչացել, ապա կկատարվի վերանորոգում կամ վնասված իրերի փոխհատուցում:
Հեղինակ` Դիանա Մանասերյան
