Այսօր՝ մայիսի 14-ին, Կառավարությունը հերթական նիստն է գումարել: Սակայն Առողջապահության նախարար Արսեն Թորոսյանը ներկա չէր նիստին, և նրան փոխարինում էր փոխնախարար Լենա Նանուշյանը:
Araratnews.am-ը Առողջապահության նախարարի մամուլի խոսնակ Ալինա Նիկողոսյանից տեղեկացավ, որ Արսեն Թորոսյանը ինքնամեկուսացված է, քանի որ նախարարությունում կան հաստատված դրական դեպքեր, իսկ այս դեպքում նախարարաը կոնտակտավոր է հանդիսանում, այդ պատճառով էլ նա ինքնամեկուսացվել է:
Խոսնակը հայտնեց նաև, որ նախարարությունում կան և՛ կորոնավիրուսով վարակված աշխատակիցներ և՛ կոնտակտավորներ:
Հիշեցնենք, որ գործադիրի այսօրվա նիստում փոխվարչապետ Տիգրան Ավինյանը տեղեկացրել էր, որ տարածքային կառավարման եւ ենթակառուցվածքների նախարարությունում կորոնավիրուսի վարակվածության դեպքեր են գրանցվել և այդ պատճառով որոշում է կայացվել, որ նախարար Սուրեն Պապիկյանը կինքնամեկուսանա: Նախարարությունում այլ վարակակիրներ ևս կան: Ըստ տեղեկությունների, վարակված են նախարարի տեղակալները:
