Ինչպես հայտնի է, Չինաստանում հայտնված կորոնավիրուսի հետևանքով այդ երկրում մի քանի մարդ է զոհվել: Վիրուսի տարածման ու դրա հնարավոր վտանգների խնդրին ԱԺ-ում կառավարության հետ հարցուպատասխանի ժամանակ անդրադարձավ ՀՀ առողջապահության նախարար Արսեն Թորոսյանը:
Նրա խոսքով, Հայաստանի մասով տեղի է ունենում սահմաններին ժամանող ուղևորների ջերմաչափում, ինչպես սովորաբար տեղի է ունենում:
«Այս պահին արձանագրված դեպքեր չունենք»,- հավաստիացրեց գերատեսչության ղեկավարը` հավելելով նաև, որ հարկ եղած դեպքում Հայաստանում կձեռնարկվեն բոլոր անհրաժեշտ միջոցառումները:
«Դեռևս սահմաններ փակելու կամ ուղևորահոսքեր սահմանափակելու կարիք չկա»,- հայտարարեց Արսեն Թորոսյանը:
