Հանրահայտ իտալիացի ոճաբան Ջորջիո Արմանին նորաձև բնակելի համալիր կկառուցի Չինաստանի մեծությամբ հինգերորդ քաղաքում՝ Չենդույում: Այս որոշման մասին հայտարարել են Միլանում տեղակայված Արմանիի կենտոնական գրասենյակից, հաղորդում է ИТАР-ТАСС-ը:
Արմանիի Design Studio Armani Casa ընկերությունը կկառուցի երկու երկնաքերներից բաղկացած բնակելի համալիր, որը 200 մ բարձրություն և 65 հարկ ունենա: Բնակարարնները կահավորված կլինեն Armani Casa-ի «դուստր» կազմակերպությունների աքսեսուարներով: Շենքերից յուրաքանչյուրի տանիքին լողավազան կլինի:
Բնակելի համալիրը պատրաստ կլինի 2016 թվականին, սակայն բնակարանների վաճառքը կսկսվի արդեն եկող տարի:
