Նորվեգական Կյոուտուքեյնու ավանում, որը գտնվում է երկրի հյուսիսում, օդի ջերմաստիճանը 40 ժամում հասել է +5 աստիճանի, ինչը 45 աստիճանով ավել է եղել երկու օր առաջ արձանագրված ջերմաստիճանից: -40 աստիճանից այդպիսի աճը օդերևութաբանները պայմանավորել են Կանարյան կղզիներից Սկանդինավյան թերակղզի տեղափոխված տաք օդային զանգվածներով:
Օդերևութաբաններն այսպիսի թռիչքն աննախադեպ են համարում այս տարածաշրջանի համար: Որոշ շրջաններում օդի տաքացումից հետո առաջացել են փոթորիկներ, որոնց արագությունը կազմել է վայրկյանում 50 մետր:
