Մեղադրող դատախազ Պետրոս Պետրոսյանն այսօր դատարանում ասաց, որ Ռոբերտ Քոչարյանի խափանման միջոցը փոխելու միջնորդություններն անհիմն են: Դրանք պետք է մերժվեն:
Ինչ վերաբերում է Քոչարյանի թիմի այն հայտարարությանը, թե համավարակի տարածումը եւս պատճառ է խափանման միջոցը փոխելու, ապա միջազգային որեւէ փաստաթղթում չկա ուղիղ մատնանշում, որ պետությունը պարտավոր է խոցելի խմբի անձանց առանց հիմքերն ուսումնասիրելու՝ ազատ արձակել, չկալանավորել միայն համավարակի պատճառով: «Նման փաստաթուղթ չկա»,- ասաց դատախազը:
