տուն Աշխարհ Արբանյակն Իրանում զանգվածային գերեզմաններ է հայտնաբերել. կորոնավիրուսի զոհերի թիվն իրականում կարող է...

Արբանյակն Իրանում զանգվածային գերեզմաններ է հայտնաբերել. կորոնավիրուսի զոհերի թիվն իրականում կարող է շատ ավելի մեծ լինել

231
0

Արբանյակից արված լուսանկարները փաստում են, որ իրանական Ղոմ քաղաքում կան զանգվածային գերեզմաններ, ինչը նշանակում է, որ կորոնավիրուսի բռնկման հետևանքով մահացածների թիվն իրականում շատ ավելի մեծ է, քան ներկայացնում են իշխանությունները:

Բրիտանական  The Guardian հեղինակավոր պարբերականի տեղեկությունը փոխանցում է mediaroom.am-ը:

Նկարներում երևում է, որ փետրվարի վերջից գերեզմանների տարածքը կտրուկ ավելացել է, ինչը վկայում է, որ համաճարակի տարածման ծավալները հսկայական են, սակայն իշխանությունները փորձում են քողարկել դա:   Աղբյուրը հիշեցնում է, որ փետրվարի 24-ին, երբ նոր գերեզմանափոսերն արդեն փորվում էին, Ղոմից մի պաշտոնյա երկրի առողջապահության նախարարությանը մեղադրել էր բռնկման իրական ծավալի մասին ճշմարտությունը միտումնավոր թաքցնելու համար:

Նախարարության վերջին տվյալների համաձայն՝ Իրանում կորոնավիրուսով ախտահարվել է  ավելի քան 10 000 մարդ, կա  429 զոհ:

Ամբողջ աշխարհում կորոնավիրուսով վարակվածների ընդհանուր թիվը հասել է 131 621-ի, մահվան դեպքերի քանակը 4940 է, առողջացել է ավելի քան 68 500 մարդ: