Ղազախստանում ընթացող բռնցքամարտի աշխարհի առաջնության 2-րդ փուլում Հայաստանի ներկայացուցիչ Արամ Ավագյանը (56կգ) 3:0 հաշվով հաղթել է իտալացի մրցակցին: Սա նրա երկրորդ հաղթանակն էր մրցաշարում: Այս մասին Panorama.am-ի թղթակցին հեռախոսազրույցով տեղեկացրեց Հայաստանի բռնցքամարտի հավաքականի գլխավոր մարզիչ Կարեն Աղամալյանը:
«Արամ Ավագյանը հիանալի հանդես եկավ և կարողացավ 3:0 հաշվով պարտության մատնել մրցակցին: Հաջորդ փուլում, որը տեղի կուենան հոկտմեբերի 21-ին, Արամ Ավագյանի մրցակիցը կլինի աշխարհի գործող չեմպիոն Կուբայի պատվիրակը»,- նշեց Աղամալյանը:
Հավելենք, որ վաղը` հոկտեմբերի 20-ին, Հայաստանից ռինգ կելնեն Հովհաննես Բաչկովը (60 կգ) և Արման Ամիրխանյանը (69 կգ): Վերջինս 2-րդ հանդիպումը կանցկացնի աշխարհի առաջնությունում:
Աղբյուր` Panorama.am
