Երեկ մի քանի հարյուր բրազիլացիներ, ովքեր դժգոհ են ավտոտրանսպորտի սակագներից, մուտք են գործել Բրազիլիայի ամենախոշոր քաղաքի՝ Սան Պաուլոյի ավտոկայան, այրել են ավտոբուսներ և կոտրել են բանկոմատներ։ Ակցիայի մասնակիցները պահանջում են անվճար տրանսպորտային երթևեկություն Այս մասին հաղորդում է BBC-ն։
Ոստիկանությունը հարձակումը կասեցնելու համար օգտագործել է արցունքաբեր գազ, 6 հոգի ձերբակալվել է։
Երկար ժամանակ կոռուպցիայից և այլ բացասական երևույթներից բողոքող բրազիլացիները պարբերաբար բարձրաձայնում են տրանսպորտի բարձր սակագների մասին։ Ամռանը թանկացումներից մեկի ժամանակ փողոցներ դուրս եկած հարյուր հազարավոր քաղաքացիներ ստիպել էին իջեցնել սակագները։
