Ավտովթար Կիևյան փողոցում. տուժածը հոսպիտալացվել է

Ահազանգ է ստացվել, որ այսօր՝ այիսի 26-ին, ժամը 19։05-ին Կիևյան փողոցի թիվ 3 հասցեում գնտվող «Արցախբանկ»-ի մոտակայքում տեղի է ունեցել ՃՏՊ՝ քաղաքացին վրաերթի է ենթարկվել։

Ինչպես հայտնում են Ճգնաժամային կառավարման ազգային կենտրոնից դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Կիևյան 9 հասցեյի մոտակայքում տեղի է ունեցել ՃՏՊ․ բախվել են «Lexus» մակնիշի ավտոմեքենան (վարորդ՝ Արթուր Մ․) և «Yamaha» մակնիշի մոտոցիկլետը (վարորդ՝ Նարեկ Հ․, ծնված 1990 թ․), ինչի հետևանքով մոտոցիկլետի ուղևոր Սյուզաննա Բ․-ն (ծնված 1992 թ․) ստացել է մարմնական վնասվածքներ։

Փրկարարները Սյուզաննա Բ․-ին մոտեցրել են շտապօգնության ավտոմեքենային, ով հոսպիտալացվել է «Հերացի» թիվ 1 հիվանդանոցային համալիր։