Առնվազն 40 մարդ է զոհվել Հնդկաստանում ուղևորատար ավտոբուսի և բենզին տեղափոխող մեքենայի բախման հետևանքով։ Այս մասին հաղորդում է The Times of India;
Հայդարաբադից Բանգալոր ուղևորվող ավտոբուսը վաղ առավոտյան բախվել է բեռնատարին, որի հետևանքով երկու մեքենաներն էլ այրվել են։ Ավտոբուսի վարորդն ու նրա երեք ուղևորները կարողացել են լքել այրվող մեքենան, նրանք տեղափոխվել են հիվանդանոց։ Երեքի վիճակը գնահատվում է ծայրահեղ ծանր։ Հրդեհը դժվարացրել է մարմինների ճանաչումը։
Նշվում է, որ Հայդարաբադից մեկնելիս գրանցվել է 29 ուղևոր, սակայն մյուսները միացել են ճանապարհի ընթացքում։
