Ավստրալիայի վարչապետ Թոնի Էբոտն այսօր հայտարարել է, որ Malaysia Airlines անհետացած ինքնաթիռի որոնման վայրում արձանագրված ազդանշանները պատկանում են այդ ինքնաթիռի «սև արկղերին»։ Այս մասին հաղորդում է ABC կայքը։
«Մենք բավականին նեղացրել ենք որոնման գոտին և վստահ ենք, որ ազդանշաններն արձակում են «սև արկղերը»», — ասել է Էբոտը։
Հիշեցնենք, որ մարտի 8-ին Մալայզիայի մայրաքաղաք Կուալա Լումպուրից Չինաստանի մայրաքաղաք Պեկին 239 մարդ տեղափոխող ինքնաթիռն անհետացել է ռադարներից։ Ներկայում այն փնտրում են նախանշված ուղուց մի քանի հազար կիլոմետր հեռավորության վրա։
