ԱՄՆ միջազգային զարգացման գործակալության (USAID) կողմից Հայաստանի կառավարությանը գյուղատնտեսական համատարած հաշվառման անցկացման համար տրամադրվելու է 200000 ԱՄՆ դոլար դրամաշնորհ՝ համաձայն ԱՄՆ միջազգային զարգացման գործակալության և ՀՀ ազգային վիճակագրական ծառայության միջև կնքված համաձայնագրի (Implementation Letter Number 32 under Assistance Agreement No AAG-111-G-10-001):
Համաձայնագրի համաձայն` ծրագրի սկիզբը նախատեսվում է 2014թ. հունիսի 15-ը, իսկ ավարտը՝ մինչև 2015թ. մարտը:
Կառավարության վաղվա նիստում Թույլատրվելու է Ազգային վիճակագրական ծառայությանն իրեն սպասարկող Հայաստանի Հանրապետության ֆինանսների նախարարության գանձապետական ստորաբաժանումում բացել արտաբյուջետային հաշիվ` ԱՄՆ միջազգային զարգացման գործակալության կողմից գյուղատնտեսական համատարած հաշվառման անցկացման համար տրամադրվող ֆինանսական միջոցների տնօրինման համար: Արտաբյուջետային հաշվի գործողության ժամկետը մինչև 2015 թվականի մարտի 1-ն է :
Բացի այդ, «Work4Youth» ծրագրի շրջանակում ԱՎԾ-ն իրականցնելու է ևս 100 հազար ԱՄՆ դոլար արժողության հետազոտական ծրագիր, որի համար ևս անհրաժեշտ է ունենալ արտաբյուջետային հաշիվ:
