Այսօր Աֆղանստանի նախագահ Համիդ Քարզայն ԱՄՆ-ին մեղադրել է Փարվան նահանգում հասցված ավիահարվածի հետևանքով 8 խաղաղ բնակչի մահվան մեջ։
«Ամրիկյան ուժերի ռմբակոծության արդյունքում 7 երեխա և մեկ կին է մահացել։ Եվս մեկ խաղաղ բնակիչ վիրավորվել է։
Աֆղանստանի կառավարությունը մի քանի տարի շարունակ խնդրանքով դիմում է դադարեցնել մարտական գործողությունները մեր գյուղերում, սակայն ամերիկյան բանակը, խախտելով երկկողմ համաձայնությունն ու երաշխիքները, կրկին ռմբակոծել է բնակելի թաղամասերից մեկը, որի արդյունքում խաղաղ բնակիչներ են զոհվել», — Քարզայի խոսքերն է փոխանցում «Ինտերֆաքսը»։
