Ուկրաինայի նախագահ Վիկտոր Յանուկովիչը հայտարարել է այն մասին, որ Ուկրաինայի և Եվրամիության բանակցությունները Ասոցացման համաձայնագրի և ազատ առևտրային գոտու վերաբերյալ, որոնք դադարեցվել էին Վիլնյուսում կայացած «Արևելյան համագործակցության» գագաթնաժողովից առաջ, կվերսկսվեն:
Յանուկովիչը հայտնել է, որ ինքը Եվրահանձնաժողովի ղեկավար Ժոզե Մանուել Բառոզուի հետ հեռախոսային խոսակցություն է ունեցել, որի արդյունքում համաձայնություն է ձեռք բերվել, որ ասոցացման համաձայնագրի պայմանները քննարկելու համար Բրյուսել կմեկնի ուկրաինական աշխատանքային խումբ:
