Թուրքիան թանկ է վճարելու Սիրիայում ահաբեկիչներին աջակցելու համար, ովքեր կարող են սլաքներն ու զենքերն ուղղել Թուրքիայի դեմ: Այսպիսի հայտարարություն է արել Սիրիայի նախագահ Բաշար Ալ-Ասադը` պատասխանելով թուրքական HalkTV-ի հարցերին:
«Այդ երկրի կառավարությունը ստիպված կլինի թանկ վճարել ծայրահեղականներին օգնելու համար: Ահաբեկչությունը չի կարելի խաղաքարտ դարձնել, քանի որ այն ուզած պահին չես կարող գրպանում պահել: Դա կարիճ է, որը սպասում է հարմար պահին, որպեսզի խայթի», — ասել է Ալ-Ասադը:
