տուն Լուրեր Առցանց մամուլի ասուլիս. Սփյուռքի և միջազգային համագործակցության դերակատարությունը կորոնավիրուսի դեմ հայաստանյան պայքարում

Առցանց մամուլի ասուլիս. Սփյուռքի և միջազգային համագործակցության դերակատարությունը կորոնավիրուսի դեմ հայաստանյան պայքարում

191
0

Հունիսի 23-ին՝ ժամը 19:00-ին, ՀՀ սփյուռքի գործերի գլխավոր հանձնակատար Զարեհ Սինանյանը, Առողջապահության նախարար Արսեն Թորոսյանը, Հայաստանում ԱՄՆ դեսպան Լին Թրեյսին, Հայաստանում Ֆրանսիայի դեսպան Ժոնաթան Լաքոթը և Ֆրանսիայի բժշկական խմբի ղեկավար Ալեքսանդր Մինյոնը հանդես կգան առցանց մամուլի ասուլիսով:

Բանախոսներն անդրադարձ կկատարեն Հայաստանում կորոնավիրուսի դեմ պայքարում սփյուռքի և միջազգային համագործակցության միջոցառումներին և աջակցությանը, կհայտնեն նոր նախաձեռնությունների մասին:

Ասուլիսի կընթանա հայերենով և անգլերենով՝ համաժամանակյա թարգմանության հնարավորությամբ: Խնդրում ենք նկատի ունենալ, որ համաժամանակյա թարգմանությունը հասանելի կլինի միայն Zoom հարթակի մասնակիցների համար: Մինչ հունիսի 23-ը՝ ժամը 17:00-ն, կարող եք ձեր հարցերն ուղարկել ՀՀ սփյուռքի գործերի գլխավոր հանձնակատարի գրասենյակի ֆեյսբուքյան էջին՝ https://www.facebook.com/DiasporaHighCommissionerOfficeArmenia/՝ հարցի սկզբում նշելով լրատվամիջոցի անվանումը և լրագրողի անուն-ազգանունը: ZOOM-ով միացման համար խնդրում ենք այցելել հետևյալ հղմամբ՝ https://us02web.zoom.us/j/81223049630:

Ասուլիսին ուղիղ միացմամբ կարող եք հետևել նաև ՀՀ սփյուռքի գործերի գլխավոր հանձնակատարի գրասենյակի ֆեյսբուքյան էջում:

Խնդրում ենք հաշվի առնել, որ թեմային չառնչվող հարցերն ասուլիսի ընթացքում չեն ընթերցվի:

Ասուլիսը կտևի մեկ ժամ: