Հայաստանի սպառողների շահերի պաշտպանության ակադեմիայի փոխնախագահ, ապրանքների և ծառայությունների որակի վերլուծության դեպարտամենտի ղեկավար Մելիտա Արիստակեսյանը համոզված է, որ առողջ գենոֆոնդի համար անհրաժեշտ է սկսել դպրոցներում ու մանկապարտեզներում առողջ սնունդ վաճառել:
«Սպառողական շուկան այնքան բազմազան է, ունենք վատ գովազդներ: Մենք նաև դրանց դեմ ենք դուրս գալիս: Իրավական տեսակետից՝ Հայաստանում այս ոլորտը մշակված է միջազգային նորմերին համապատասխան: Դրանց կիրառության հարցն է, որտեղ մենք կաղում ենք: Եթե մեզնից յուրաքանչյուրը փոքր-ինչ ավելի լուրջ մոտենա հարցին, խնդիրը այլ հարթության վրա կլինի»,- ասում է նա:
