«Ես գտնում եմ, որ մեր անվտանգությունը մենք պետք է կազմակերպենք նոր ձևով և ոչ թե տասնիներորդ դարի ձևով, երբ փոքր պետությունները գնում խնդրում էին որևէ մեծ պետության թևի տակ մտնել: Մենք պետք է համագործակցնեք բոլոր կողմերի հետ, ՆԱՏՕ-ի հետ, Եվրամիության հետ, ՀԱՊԿ հետ և, ուզում եմ ասել, որ նույն Ռուսաստանը շատ լավ համագործակցում է ՆԱՏՕ-ի հետ էլ, Եվրամիության հետ էլ, և սխալ է այն կարծիքը, թե նրանց հարաբերությունները վատ են: Մենք պետք է մեր անվտանգությունը ապահովենք՝ մեկնելով ոչ թե մեկ ձեռք մեկ պետության այլ տարբեր ուղղությունների համադրումով ու համագործակցությամբ : Այսօր կարող ենք ասել, որ Նույն ՆԱՏՕ-նա ապահովում է անվտանգության մի մասնիկ»,- շեշտեց Ստեփան Գրիգորյանը։ Քաղաքագետը շեշտեց, որ պետք է սովորել համագործակցելով, լսելով այլ կարծիքներ որոշումներ ընդունել, և ոչ թե մեկ հոգի որոշի և վերջ: Ստեփան Գրիգորյանի խոսքերով այսօր իր բոլոր թերություններով հանդերձ, Հայստանյան իրականության մեջ իրեն ուրախացնում է այն փաստը, որ կան ուժեր, քաղաքացիական հասարակության ներկայացուցիչներ, ովքեր կարող են դուրս գալ Մաքսային միություն մտնելու որոշման դեմ, իրենց բողոքի ձայնն ասել այդ որոշմանը:
