Հոլիվուդյան դերասանուհի Անջելինա Ջոլին կդառնա պատերազմական գործողությունների գոտում սեռական բռնության դեմ պայքարի միջազգային գագաթնեդողովի համանախագահ, հաղորդում է Mignews-ը։ Այսպիսով կինոաստղը, որը նաև ՄԱԿ-ի՝ փախստականների հարցերով բարի կամքի դեսպանն է, կընկերակցի Մեծ Բրիտանիայի արտգործնախարար Ուիլյամ Հեյգին։
Եռօրյա գագաթնաժողովը, որին մասնակցելու է նաև Ջոլին, նախատեսված է անցկացնել եկող տարի Լոնդոնում։
«Այս գագաթնաժողովի անհրաժեշտությունը վաղուց էր հասունացել։ Մեր նպատակն է վերջ դնել անպատժելիությանը։ Նաև պիտի արդարամտություն և հարգանք դրսևորենքնրանց հանդեպ, ովքեր վերապրել են նման սարսափելի հանցագործություններ»,- հայտարարել է Անջելինա Ջոլին։
