Մադրիդի «Ռեալի» հարձակվող Կրիշտիանո Ռոնալդուն բարձր է գնահատում ակումբի գլխավոր մարզիչ Կարլո Անչելոտիի պրոֆեսիոնալ հատկությունները։ Նրա խոսքերով՝ իտալացի մասնագետը յուրահատուկ անձնավորություն է։
«Անչելոտիի հետ աշխատելը շատ հաճելի է։ Նա յուրահատուկ անձնավորություն է։ Ավելորդ է խոսել նրա պրոֆեսիոնալ որակների մասին։ Կարլոն բարձրակարգ մակարդակի մասնագետ է։ Մի կողմից նա թիմում հեղինակություն, իսկ մյուս կողմից՝ սեր է վայելում իր համեստության համար», — ասել է Ռոնալդուն։ Այս մասին հաղորդում է Marca-ն։
