Անզավակ ընտանիքներն ավելի շատ են բավարարված իրենց հարաբերություններով, քան նրանք, ովքեր երեխա ունեն։ Նման եզրակացության են եկել հետազոտողները՝ Մեծ Բրիտանիայում իրականացված մեծ ուսումնասիրության արդյունքում։ Այս մասին հաղորդում է The Telegraph-ը։
Համաձայն այդ հետազոտությունների՝ մարդիկ, ովքեր երեխա չունեն, ավելի բավարարված են իրենց հարաբերություններով և ավելի մեծ նշանակություն են տալիս իրենց ամուսիններին։ Միաժամանակ հարցումը ցույց է տվել, որ մայրերն ավելի երջանիկ են երեխա չունեցող կանանցից։ Տղամարդկանց դեպքում հակառակ պատկերն է՝ հայրերը պակաս երջանիկ են անզավակ տղամարդկանցից։
