Թուրքիայի զբոսաշրջության ընկերակցության նախագահ Օսման Այըքն ասել է, որ այս տարի Թուրքիա կայցելի մինչև 38 մլն զբոսաշրջիկ։ Այս մասին հաղորդում է Hurriyet-ը։
Նրա խոսքերով՝ 2013 թվականին սպասվում է, որ զբոսաշրջիկների թիվը կավելանա 8 տոկոսով անցած տարվա նույն ժամանակահատվածի ցուցանիշի համեմատ։ Զբոսաշրջիկների թվով` առաջատարն Անթալիան է՝ մոտ 10 մլն մարդ։ Ավելի վաղ ընկերակցությունը նշել էր, որ Թուրքայում անօրինական զբոսաշրջության ծավալը կազմում է մոտ 10 մլրդ դոլար։
