ԱՄՆ նախագահ Բարաք Օբաման այսօր Կանադայի վարչապետ Սթիվեն Հարերին է ուղարկելու երկու արկղ գարեջուր, որոնք գրազով պարտվել էր Ձմեռային օլիմպիական խաղերի հոկեյի մրցաշարերի ժամանակ։ Այս մասին հաղորդում է BBC-ն։
Օբաման և Հարփերը գրազ էին եկել, որ իրենց երկրները հաղթելու են կանանց և տղամարդկանց մրցաշարերում։ Արդյունքում՝ երկու մրցաշարում էլ հաղթեցին կանադացիները։ Ընդ որում, կանադացիներն ամերիկացիներին հաղթել են տղամարդկանց մրցաշարի կիսաեզրափակիչում, իսկ կանանց՝ եզրափակիչում։
Օբաման առաջին անգամ չէ, որ պարտվում է գրազը։ Չորս տարի առաջ ԱՄՆ-ի հավաքականը կրկին զիջել էր կանադացիներին։
