Ռուսաստանի արտաքին գործերի նախարար Սերգեյ Լավրովն ու ԱՄՆ պետքարտուղար Ջոն Քերին այսօր Լոնդոնում կրկին կբանակցեն ուկրաինական ճգնաժամի հարցով։ Այս մասին հաղորդում է Reuters գործակալությունը։
Անցած շաբաթվա ընթացքում երկու երկրների արտաքին գերատեսչությունների ղեկավարներն արդեն հանդիպել են Հռոմում և Փարիզում։ Քերին հայտարարել է, որ Լավրովի հետ հանդիպում է ԱՄՆ նախագահ Բարաք Օբամայի կարգադրությամբ, որպեսզի հնարավոր լինի թուլացնել լարվածությունն այս հարցում։
«Մեր նպատակը պարզ է՝ պաշտպանել Ուկրաինայի ինքնիշխանությունն ու միասնականությունը մեր եվրոպացի գործընկերների հետ միասին», — ասել է ԱՄՆ պետքարտուղարը։
