50 տարի առաջ այս օրը Դալաս կատարած իր այցելության ժամանակ դիպուկահարի կրակոցով սպանվեց ԱՄՆ 35-րդ նախագահ Ջոն Քենեդին։ Մի քանի շաբաթ է, այս տարելիցի կապակցությամբ, ԱՄՆ-ում և աշխարհում անցկացվում են հիշատակի միջոցառումներ։ Կրկին բուռն քննարկման առարկա է դարձել ԱՄՆ-ի ամենասիրված նախագահի սպանության պատճառները։
Հիշեցնենք, որ այդ օրը Դալասի գրապահոցի վեցերորդ հարկում թաքնվող մարդասպան Լի Հարվի Օսվալդը հրազենային մահացու կրակոց է հասցրել նախագահ Քենեդուն։ Թեպետ նա մեկուկես ժամ հետո ձերբակալվել էր, այդուհանդերձ երկու օր անց Դալասի դատարանում նա նույնպես սպանվեց։ Տեղի գիշերային ակումբներից մեկի սեփականատեր Ջեք Ռուբին մոտ տարածությունից գնդակահարեց Օսվալդին, իսկ իր արարքը պատճառաբանեց ԱՄՆ-ի առաջին տիկին Ժակլին Քենեդիի հանդեպ խղճահարությամբ։
