Այսօր Աուդիովիզուալ մեդիածառայությունների ոլորտում օրենսդրական փոփոխությունների թեմայով խորհրդարանական լսումներ են։
«Տեղեկատվության ու քարոզչության միջեւ անցնող սահմանագիծը հեշտորեն լրատվամիջոցին դարձնում է քարոզչամիջոց, ինչն էլ վերջինիս վերածում է պայքարի միջոցի, տեղեկատվական պատերազմներում օգտագործվող զենքի»։ Ըստ պատգամավորի՝ պետք է օրենսդրորեն լուծվի լրատվամիջոցների եւ հեռուստաընկերությունների՝ քարոզչամիջոցի վերածվելու հարցը։
«Թվում էր, թե հեղափոխությունից հետո հեռուստաընկերությունները պետք է ազատ լինեին ու գործեին նոր տրամաբանությամբ, սակայն նրանց կյանքում ոչինչ չի փոխվել»,- նկատեց պատգամավորը՝ նշելով, որ հեռուստաընկերությունները նախկինում աշխատում էին այն ժամանակ գործող իշխանությունների համար։
Նրա կարծիքով՝ այսօր հեռուստաընկերություններն աշխատում են հակահեղափոխական պատվերներով։
