Այսօր կհրապարակվի Քոչարյանի խափանման միջոցի վերաբերյալ որոշումը

Այսօր Երևանի ընդհանուր իրավասության դատարանում (Շենգավիթ նստավայր) կշարունակվի Ռոբերտ Քոչարյանի և մյուսների գործով դատական նիստը։

Նշենք, որ նախորդ դատավարության ժամանակ պաշտպանական խումբը միջնորդել է նրա նկատմամբ որպես խափանման միջոց կիրառել գրավը: Նրանք միջնորդել են գրավի կիրառումը ճանաչել թույլատրելի և իրենց պաշտպանյալի նկատմամբ որպես խափանման միջոց կիրառել գրավը՝ սահմանելով դրա ողջամիտ չափը։

Այսօր դատավոր Աննա Դանիբեկյանը կհրապարակի որոշումը։